Geschter isch e Podiums-Diskussion zu de Gmeindrotswahl gsi

Di feuf noie Kandidate für de Gmeindrot hend geschter im Rothuussaal über Wettiger Politik diskutiert. De Iiladig vo de glp sind zahlrichi Politinteressiirti gfolged.

Am Mittwoch 30. Auguscht 2017 am Obig hed d glp e Podiumsdiskussion für die feuf neue Gmeindrots-Kandidate dureg’füehrt. Zahlrichi Intressierti Zueschauer send am halbi 8i im Rathuus-Saal iitrofe um die 5 Kandidate besser kenne z’lehre. D Froge send vom Orun Palit g’stellt worde und send ned immer nume zum Vorteil vo de Kandidate gsi. Under anderem hed er au welle wüsse, „welle Kandidad würsch Du uf e einsami Insle mitnäh?“ … debii send ganz gueti Partei-Kombinatione usecho. Am Schluss händ d Kandidate no Froge beantwortet wo vo de Zueschauer gstellt worde send. Au do hed’s gueti Froge debii cha.

Anschliessend hed’s en Apero gä wo vo de Gmeind g’sponsored worde esch. Debii hed mer nomol med allne chönne rede und meh erfahre. Alles in allem e glungni Veranstaltig.

Bis am 24. September findet no einige Wahlveranstaltige statt. Det cha mer d Kandidate a’treffe und versümti Froge stelle.

Mer wünsched allne Kandidate veel Erfolg.

Advertisements