D Schuelpfläg wird – so wi de Gmeindrot, de Iiwohnerrot und d Stüürkommission – am 24. September 2017 noi gwählt. D Usgangslag isch spannen, au will d Schuelpfläg vo 7 uf 5 Mitglider reduziirt worde isch.
Bisher het d Schuelpfläg sibe Mitglider gha. Durch en Bschluss vom Iiwohnerrot und e Volksabstimmig im letschte Mai, isch d Behörde verchliinered worde. D Partei erhebed aber di gliiche Aasprüch uf Sitz, so dass alli amtiirendi Schuelpfläger wider kandidiire. En Usnahm isch d Kristin Ernst vo de SP, wo im 2016 in de Gmeindrot gwählt worde isch und deshalb nümm aatritt. Dafür schickt ihri Partei d Kristin Lamprecht ins Renne um de einzig linki Schuelpflägsitz. Zudem kandidiire als Bisherigi de Schuelpflägpräsident Thomas Sigrist (parteilos), de Stefan Spiess und de Marcel Aebi vo de CVP, d Judith Gähler uns Desirée Mollet vo de FDP und d Hanna Läng vo de EVP. Noi kandidiired de Jürgen Maier (glp), wo vor viir Jahr zwar s absolute Mehr erreichd het, aber als achte Kandidat usgschide isch und de Martin Fricker (SVP).
Allne Kandidatinne und Kandidate hend mir di gliiche viir Froge gstellt:

  • Was isch Ihri/dini Motivation, für d Schuelpfläg z kandidiire?
  • Welli bruefliche Qualifikatione und persönlichi Qualitäte bringed Si/bringsch du für s Amt vomene Schuelpfläger/ere Schuelpflägerin mit?
  • Wo gsehnd Si/gsehsch du d Qualitäte vo de Schuel Wettige, so wi si hüt ufgschtellt isch?
  • Wohin soll isch d Schuel Wettige in de nächschte Johr entwickle?

Abgseh vo de Desirée Mollet hend alli gantwortet. Mit emem Klick uf de jewilig Name unter de Foti chönnd ihr d Antworte läse:

Thomas Sigrist
Thomas Sigrist, parteilos bisher
stefan_spiess quadrat
Stefan Spiess, CVP bisher

 

marcel_aebi quadrat
Marcel Aebi, CVP bisher
Judith-Gaehler-quadrat
Judith Gähler, FDP bisher
Hanna Läng quadrat
Hanna Läng, EVP bisher
Download_01
Kristin Lamprecht, SP neu
Juergen Maier quadrat
Jürgen Maier, glp neu
Martin Fricker DSC_0587 quadrat
Martin Fricker, SVP neu

 

Advertisements