Interview mit de Judith Gähler (FDP), Schuelpflägerin

Was isch Ihri/dini Motivation, für d Schuelpfläg z kandidiire?
Judith Gähler: En guet fonktionierendi, innovativi Schuel, wo sech Schüelerinne ond Schüeler sowi d’Lehrpersone wohl ond treit fühlet esch mer wechtig. Deför setz ech mech i.

Welli bruefliche Qualifikatione und persönlichi Qualitäte bringed Si/bringsch du für s Amt vomene Schuelpfläger/ere Schuelpflägerin mit?
Judith Gähler: Ech be Lehreri ond Mami vo zwöi schuelpflechtige Chend. Ech könne d’Bedörfnis vo de Lehrpersone ond vo de Eltere. Ech brenge för das Amt ou vöu Erfahrig met, do ech set em 2010 i de Schulpfleg be.
Ech schaffe sachlich ond zielorientiert, be kompromessfähig ond setze bi mine Entscheidige de Mönsch in Mittelponkt.

Wo gsehnd Si/gsehsch du d Qualitäte vo de Schuel Wettige, so wi si hüt ufgschtellt isch?
Judith Gähler: Mer send 1 Schuel Wettige met ere zentrale Leitig, ufteilt i acht Schulkreis. Dette cha d’Individualtät gläbt ond gstalte wärde. Das esch en grossi Chance om of d’Bedörfnis vo de Chend chönne izgo.

In welli RIchtig sell sich d Schuel Wettige in de nächschte Johr entwickle?
Judith Gähler: D’Schuel Wettige bereitet sech met em aktuelle Schulprogramm guet of d’Ifüehrig vom Lehrplan 21 vor. Wechtigi Theme i de Zuekonft send:

  • d’Omsetzig vo de gstartete Projekt
  • de Omgang met de Heterogenität,
  • guet fonktionierendi Tagesstrukture
  • de Omgang met de Ressource, de Finanzielle aber au de Mönschleche.
Advertisements