Bi de Soziale Dienscht gits sit längerem grossi Problem. De Iiwohnerrot unterstützt de Gmeindrot bi de Lösig.

E hohi Fluktuation, z wänig Personalressource und anders sind bi de Soziale Dienscht festgschtellt worde. Um die Problem in de Griff zübercho, het de Gmeindrot bim Iiwohnerrot en Aatrag uf 4.95 noie Stelle für die Soziale Dienscht gstellt. Nach ere lange und konstruktive Diskussione, het de Iiwohnerrot di Stelle geschter, 8. September 2017, in sinere Sitzig im Rothuussaal gnehmiged.

Zudem het de Rat s ICT-Konzept für d Schuel wohlwollend zur Kenntnis gnoh und schuscht sind no einigi Vorstösse traktandiirt gsi, vor allem settigi, wo de Gmeindrot het welle ablehne. Zur Abstimmig isch keine cho, wil alli vorher zruckzoge worde sind.