Bim Iiwohnerrot chunnts zu Sitzverschibige

Au de Iiwohnerrot isch hüt noi gwählt worde. Daderbi hend drü Partei jewils ein Sitz verlore und zwei hend gunne.

Für d SVP isch es bsunders dick cho. Nebem Gmeindrotssitz, wo d Partei verlore het, het d Fraktion au im Iiwohnerrot en Sitz verlore. Mit em Roger Scherer, em Mario Häusermann und em Hans Brunner sind zudem drü Iiwohnerröt nüm gwählt worde. Neu im Rot isch für d SVP dafür de Stefan Meier und d Silvia Berz.

Ein Sitz verlore het au WettiGrüen. Da isch de bisherig Iiwohnerrot Jürg Meier Obertüfer nümm gewählt worden. Au us em Rot usgschide isch de Michael Merkli, wo vor viir Johr als BDPler aaträte isch, in dem Johr für d Freie Wähler.

Am meischte profitiirt hend d Grünliberale, wo mit ere guet gfüllte Lischte aaträte sind. Nebe de beide bisherige sind noi d Manuela Ernst und d Yvonne Hiller im Rot. Ein Sitz dazugünne hets Forum 5430 chönne, wo noi au de Beni Egloff im Iiwohnerrot hend.

Advertisements