De FC gwünnt z Biberist

Am Samschtig, 30. September 2017 het de FC Wettige gege de FC Biberist uswärts 4:1 gwonne. D Mannschaft stoht jetzt uf Platz 6 in de Tabelle.

D Wettiger hend z Biberist en guete Start verwütscht und sind scho nach 10 Minute durch es Goal vom Polat Günes mit 1:0 in Führung gange. Numme drü Minute später isch 2:0 gfalle, Torschütze isch de Kürsat Kiybar gsi.

De Aaschlusstreffer zum 2:1 durch de Roman Rüegsegger in de 29. Minute het Wettige nöd us em Konzept chönne bringe und in de Nachspilziit vo de erschte Halbziit het de Gökhan Yürüsün uf 3:1 erhöht.

Bald nach de Pause isch mit em 4:1 (50′ Kürsat Kiybar) alles klar gsi und au nach 90 Minute het s 4:1 no Gültigkeit gha. Mit em dritte Saisonsiig und insgsamt 12 Pünkt stoht de FC Wettige nach em achte Spiiltag uf Platz 6 in de 2. Liga interregional.

Advertisements