Am Samschtig, 21. Oktober 2017 isch de FC Blue Stars Züri im Alteburg z Gascht gsi. Es het au Glück bruuchd, damit Wettige als Siger vom Platz het chönne gah.
D Wettiger hend hüt im Alteburg de besser Start verwütscht. Scho in de 7. Minute het de Kürsat Kiybar (Nr. 27) s 1:0 chönne schüsse. Noch bevor di erschti halbi Stund vom Match verbi isch gsi, het es 2:0 für Wettige gstande. Wer gmeint het, dadermit sig de Match entschide, het sich tüscht. Au wenn Wettige noch zu einige Chance cho isch, sind es d Blue Stars gsi, wo noch vor de Pause uf 2:1 verkürzt hend.
Nach de Pause sind d Zürcher dann di klar dominiirend Mannschaft gsi. Uf de Tribüne sind d Sorge grösser worde, dass es e Punkteteilig chönnd geh, wenn nöd sogar e Niderlag. Geges Ändi vom Match hets dann au no einisch Torchance für Wettige geh, aber d Erlichterig het sich bi de Spiler, de Funktionär und de Fäns vom FC Wettige erscht bim Schlusspfiff iigstellt. Zumindest bis morn isch de FC uf em 4. Tabelleplatz.
