Am Samschtig, 2. Dezember 2017 send 5 Samichläus med Ihrne Schmutzlis, begleitet vo 2 Esel, mit ere Schaar vo 5 Klasse Chendergärtner mitsamt Eltere und Chendergartelehrerinne, vom Lindepaltz loszoge, durs Dorf dure, verbii am Gluri-Suter-Huus Rechtig Zentrumsplatz.
Am Zentrumsplatz händ einige, Gross und Chli, g’spannt uf de Izug vom Sami-Chlaus g’wartet.
Nachere churze Musikalische Istimmig, hed e churzi liturgische Fiir mit de Ulrike Zimmermann stattgfunde. D Gschecht vom Heilige Nikolaus hed au ned dörfe fehle.
D Segnig von de Chläus esch denn de Abschluss gsi vo dere Zeremonie.
Im Aschluss send den d Samichläus zo de wartende Chend uf em Platz loszoge und händ gspannt de Vorträg vo veelne Chend zueghört. D Schmutzli hed denn das med Nuss und Mandarindli belohnt.
Sowiit mer vo de Wettiger Nochrichte informiert send, hed keis Chend müesse med in Wald mitgno werde=;O)
Wettiger Nochrichte 