Im Februar gits zitwiis en Schineersatzverkehr für d S 6

Wege Unterhaltsarbeite an de Strecki zwüsche Regesdorf-Watt und Bade, falled im Februar teilwiis d S-Bahne i de Nacht us, wi d Gmeind Wettige uf ihre Website mitteild. Es wird en Schineersatzverkehr geh. Statt drü bruuchd me dann 10 Minute uf Würelos.
S Schinenetz wird stark beaaspruchd und so sind, wi au bi de Strasse, immer wider Unterhaltsarbeite notwendig. D SBB versuecht immer möglichscht früeh z informiire, um bösi Überraschige z vermiide. So isch es au mit de Unterhaltsarbeite, wo i de Nacht vom 4. uf de 5. Februar 2018 started und bis zu de Nacht vom 8. uf de 9. Februiar 2018 planded sind. Um d Behinderige möglichscht gring z halte, sind numme d S-Bahne zwüsche Nüni am Abig und öppe um Föifi am Morge betroffe. Di genaue Fahrziite sind scho bi de Fahrplanuskunft vo de SBB abrufbar.

Advertisements