Am Donnschtig isch di letscht Sitzig vom Iiwohnerrot für di Legislatur

Am 14. Dezember 2017 wird im Rothuussaal s letschti Molin dem Johr Hochbetriib herrsche. De Iiwohnerrot trifft isch zur 7. und letschte Sitzig vo dem Johr.
S Ändi vo de Legislatur isch immer öppis bsundrigs, so au am Donnschtig. De Rotspräsident Paul Koller (CVP) wird zum letschte Mot e Iiwohnerratssitzig leite. Mit ihm werded au einigi anderi Iiwohnerröt usscheide, einigi unfreiwillig. Zu Beginn vo de noie Legislatur nümm derbi si werded nebem Paul Koller de Roger Scherer, de Mario Häusermann, de Hans Brunner (alli SVP), d Mia Gujer (SP),de Jürg Meier (WettiGrüen) und de Michael Merkli (FWW), wo nümm gwählt worde sind und der Martin Spörri (BDP), wo nümm aaträte isch. Im Rotssaal bliibe, aber nüm als Iiwohnerröt, werded de Markus Haas (FDP) und de Sandro Sozzi (CVP), wo noi als Gmeindröt werde derbi si.
D Ziit, wo d Traktande vorussichtlich werded beaaspruche, halted sich in Gränze. Nebe de Kreditabrechnung von Fr. 3’305’016.45 für d Planig vo de Sanierig vom Sport- und Erholigszäntrum Tägerhard ständ zwei Postulat und d Antworte uf drü Interpellatione uf de Traktandelischte.

Advertisements