«Eine Million Sterne» au z Wettige

Geschter hend in de ganze Schwiiz vili Cherze als Zeiche vo de Solidarität mit Schwache und in Not Gratene brönnt. Au z Wettige.
Am Samschtig, 16. Dezember 2017 het di katholisch Chilegmeind d Aktion «Eine Million Sterne» vo de Caritas unterstützt und uf de Zäntrumsplatz iiglade. Vom Viiri bis um Sächsi am Namittag hend dete vili Cherze brönnt und es het Punsch und Glüehwii geh. D Aktion sell es Zeiche vo de Solidarität mit Mönsche setze, wo in Not grate sind und Unterstützig bruuche. Grad in ere Gsellschaft, wo immer individueller wird und d Solidarität zruck goht, zwüsche Riiche und Arme, Gsunde und Kranke und zwüsche de Generatione, wot d Caritas und di Mönsche, wo sich beteiliged hend es Zeiche setze.

Advertisements