Am 27. Dezember started s 16. Internationali Junioreturniir

Bereits zum 16. Mol findet vom 27. bis 29.12.2017 s’Internationale Juniorenturnier vom HC Rootwiis Wettige (RWW) i de Sporthalle Tägerhard statt.

 

Das Johr dörf RWW es 6 Natione-Turnier usträge, denn d Gaschtmannschafte chömed us Dänemark, Dütschland, Kroatie, Öschtriich ond de Tschechei. Sie, und natürlich di eigende 4 Teams kämpfed um jede Ball ond um wertvolle Pünkt. Gspelt werd i 4 Kategorie: U14/U16 wiiblich und männlich, das send d’Johrgäng 2001-2004. Oisi U16 Girls-Mannschaft werd met Spielerinne vom HC Olte verschtärcht. Sie träted als RWW Allstarteam a.

RWW freued sich of veli Hockeykids us em In- und Ausland.

S’Turnier söll näbed em sportliche auch zom gsellschaftliche Erfolg werde. Da esch Rootwiis of Euchi Unterstützig agewiese. S OK hoffed, so schriibed si ois vo de Wettiger Nochrichte, “Euch als Fans of der Tribüne begrüesse z’chönne.” Selbstverständlich esch au e Festwirtschaft in Betrieb. S’Turnier startet am 27.12.16 am 09.30 Uhr. De ganzi Tag ond au am 28.12. fendet d’Gruppe- ond Qualifikationsspiel statt. Am 29.12. ab em morge am 8i werded d’Finalspiel apfiffe und ca. am viertel ab 2 esch d’Siegerehrig. De ganzi Spielplan findet mer au of de Homepage http://www.rww.ch.

Advertisements