Kollision führt zu Stau bis Wettige

Uf de A1 bi Winige hets hüt am Vormittag en Uufall geh. De Rückstau isch bis zur Usfahrt Wettige-Oscht gange.
Wer hüt, 21. Dezember 2017 ab de Ölfi am Vormittag mit em Auto vo Wettige uf Züri het welle oder müesse, het vil Geduld bruuchd. Wi d Kantonspolizei Züri mitteild, het es öppe e Stund vor em Mittag im Berich vom Limmattaler Chrüz, wo d Autobahn föifspurig isch, e Kollision vo nün Fahrzüüg geh. In de Folg hend viir Fahrstreife mehreri Stunde müesse gsperrt werde und au d Iifahrt Dietike in Fahrtrichtig Züri/Sanggalle isch zue gsi.

Durch de Uufall isch en grosse Sachschaden sowohl a de beteiligte Fahrzeug, wi au an de Verkehrsiirichtige entstand. Wi höch de Schade genau isch, het d Polizei no nöd chönne säge. De Rückstau isch bis auf Wettige gange und de Fahrt het öppe 45 Minute meh Ziit bruuchd, wi schuscht.

 

Advertisements