Au für ois z Wettige het de tüf Ölpriis Folge. Während wältwiit d Sorge gross sind, dass Saudi-Arabie, Russland oder anderi Länder en Staatsbanlrott chönnt träffe, sind d Folge für d Verbruucher au z Wettige positiv. Wer mit Öl heizt het so tüfi Choschte wi scho lang nümm und au d Aazeig bi de Tankstelle isch für d Verbuucher erfroilich. An de traditionell günschtigschte Tankstell z Wettige, de Oil bim Bahnhof, het de Liter Diesel und de Liter Bleifrei geschter numme no Fr. 1.32 choscht und de Liter Super Plus Fr. 1.37. Wi di witeri Entwicklig usgseht, blibt abzwarte, aber durch d Ufhebig vo de Sanktione gege de Iran isch en witere Priisverfall bim Öl – mit allne Gfahre, wo das für d Weltwirtschaft mit sch bringd – nöd uszschlüsse.
Gewerbe, Verkehr, Wettingen, Wirtschaft
De tüf Ölpriis het Folge
Wettiger Nochrichte 