S Wettiger Klarinetteorcheschter wird 10i


S Wettiger Klarinetteorcheschter met öber 30 Klarinettischtinne ond Klarinettische fyret sis 10 jöhrige Bestoh mit glanzvolle Jubiläumskonzärt. Es wird en Wälturuffüehrig gäh vo Notturno variabile. Dä international renommierti Schwizer Komponischt Oliver Waespi hed das Wärk im Uuftrag vom Klarinettechor Wettige erschaffe. Im Concerto for Clarinets vom Alexis Ciesla musiziert d Solischtin Heidy Huwiler i jedem vo de vier Sätz met ere andere Klarinette: i de Fantasia met de bekannte B Klarinette, i de Habañera met de Bassklarinette, im Scherzo met em Bassetthorn, au das esch en Klarinette, ond i de abschlüssende Tarantella met de chlyne Es Klarinette.D Vielsytigkeit begeischteret, de warmi Klang goht diräkt is Herz ond d Freud vo allne Mitspieler steck a.

Sind Sie deby, wenn am 23. ond 24. Januar i de Aula Margeläcker z Wettige ond am 31. Januar i de Katholische Chile z Höngg d Klarinette jubiliered.

De Ytritt esch frei. Dä Klarinettechor sammled Kolläkte. För me Infos http://www.klarinettenchor.ch

Advertisements