Es isch e Tradition bi de Füürwehr, dass en Kommandowechsel uf bsundri Art begabge wird. Wil de noi Kommandant Olivet Gross (Oli) und sin Stabschef Martim Spichale (Spichi) d Ufgabe teile, wo bisher bim Kommandant gläge sind, isch au de Stabschef mit iibezoge worde.

Am Samschtignamittag sind für di beide d Bsüech bi de Nachbarfüürwehre uf em Programm gstande, bevor si durch en Alarm ufgschreckt worde sind. Uf de Zirkuswise het dann es brennends Huus ihre volle Isatz bruucht. Mit de Spilzüügauto, wo dete parat si gsi, hei si den Brand aber nöd in de Griff chönne übercho, so iscg ihne d Mannschaft vo de Füürwehr zu Hilf cho. Schnell isch de Brand untet Kontrolle gsi und d Füürwehr het das Huus kontrolliirt la abenrönne. Aaschlüssend sind de Oli und de Spichi von Wettiger “Füürwehrpfarrer” mitenand und mit de Füürwehr verhürotet worde. In sinere Aasproch bet e bsunders druf higwisse, dass es mitenand vo Kommando und Mannschaft entscheidend für de Erfolg sig. Sowohl de Oli, wi au de Spichi und d Mannschaft hei “Ja” gsait u d versproche, enand z liebe und z ehre,” bis de Gmeindrot si duet scheide”. Im Aaschluss an d Zeremonii ischs Brutpaar mit em Pfarrer in de Hochzitskutsche zum Rothuus gfahre, alli andre z Fuess hinterher, wo de Gmeindsammaa di beide noie in d Pflicht gnoh het, während en Apéro für d Kurzweil vonde Gäscht gsorget het. Wi es sich ghört het Füürwehr danach im Zwyssighof de Obe la uskline (wobi: er klingt noch).

Hiir isch no es Video zum Thema: