D Dame vom HC Wettige händ höt imene umkämpfte Spiel 1:0 ide CH-Meisterschaft ide NLB gege es Starchs Luzern 2 gonne. Leider häts im zweite Spiel gege die zweiti Damemannschaft vo RW Wettige mit ehemalige eis Spielerinne und Europacupteilnehmerinne ned ganz glanget. D Dame vom HCW händ sich mit 3:2 müesse gschlage gä und leget de Focus uf snächste Turnier am 28. Februar 2016 in Züri. D Dame vom HCW wänd dete gege Red Sox Züri und GC Züri 6 Pünkt hole um us eigete Chraft de Sprung it NLA z schaffe. De HCW freut sich über jedi Unterstüzig.
Besch du früsch uf Wettige züglet und suechsch en coole familiäre Verein? Meld die uf www.hcwettingen.ch und spiel Landhockey bim HC Wettige. Als Vereinsmitglied gots ned nur ums Hockeyspiele, es git au vell rundome zmache. De Verei suecht au no motivierti Juniore/inne für sini Zuekunft. (NH)
Wettiger Nochrichte 