De letzti vo de «zwölf Apostel» söll abgrisse werde

An de Bahnhofstroos goht demnächst höchschtwahrschinlich es Kapitel vo de Wettiger Induschtriigschicht z end. S letzscht vo de zwölf Vorarbeiterhüüser, wo im Volksmund d «zwölf Apostel» gnennt worde sind, soll für en Chindergartecontainet abgeisse werde.

2016-02-17 09.18.26.jpg

S letzschti Huus vo de «zwölf Apostel»

S Badener Tagblatt brichted hüt über das Huus, wo um 1875 umme zämme mit de andere elf «Apostel» und em Koschthuus an de Bahnhofstroos baued worden isch und zwar für d Arbeiter und Vorarbeiter vo de Spinnerei uf de Chloschterhalbinsle. Im 1980 sind di erschte elf Hüüsli abgeisse worde, um d Blöck an de Bahnhofstroos chönne z baue. Uf eim vo dene Blöck het de Künschtler Andy Wildi im 1983 dene Hüüser es Denkmal gsetzt.

 

S verblibene Huus isch im vergangene Johr vom Bauamt und de Denkmalpfläg bsichtiget worde und au wenn es en lokal- und induschtriigschichtliche Wert het, fählt hüt de materiell Züügewert, wil am Huus z viil gänderet worden isch und es im Huus kei historische Usstattig meh het. Anderscht gsehts bi de Koschthüüser us, wo unter Schutz stönd.

An Stell vom letzte «Apostel» söll de Chindsgicontainer, wo bim Sulpergschuelhuus stoht, a d Bahnhofstroos züglet werde. Durch d Nöchi zum Chindsgi Rosenau wirds dete Synergie gäh, zum Bischpil bim Spielplatz.

Advertisements