De Christian Oberholzer isch noie Fridensrichter 

Nebe de Abstimmige, wo bsunders im Fokus vom Abstimmigssunntig gstande sind, hets im Fridensgrichts-Chreis IV vom Bezirk Bade au e Wahl geh, eigetlech sogar zwei. Es sind nämlech Nochwahle für zwei Richter aagstande. 

Portrait- Oberholzer ChristianNebem Wettiger SP-Partei-Co-Präsident Christian Oberholzer isch au d Fabienne Fonti (glp) vo Bade scho im 1. Wahlgang gwählt worde. De Christian Oberholzer het 6970 und d Fabienne Fonti het 6474 Schtimme übercho. Dadermit sind beidi dütlich überm absolute Mehr vo 4829 Schtimme gläge. Au di dritt Kandidatin, d Carla Ferrari (SVP) vo Schpreitebach het mit de Schtimme überm absolute Mehr gläge, isch aber mit 5661 Schtimme dütlich hinter de andre beide gläge.

Advertisements