D Bauarbeite für d Busspur a de Landstroos hend aagfange

Zwüsche de Chrüzig Landstroos/Lugibachstroos wird e Busspur baued, wo d Pünktlichkeit vo de Linie 1 söll erhöche. Glichzitig wird bi de Iimündig Otelfingerstroos e Pförtneraalag baued.

D Bauarbeite für e separati Busspur hend jetzt aagfange, wi d Gmeind Wettige uf ihre Homepage informiirt. Ab Endi Mai wird de Vercher uf de Landstroos numme eispurig gführt, damit d Fahrbahn für d Arbeiter gfahrlos cha um e Spur verbreitered werde. D Fahrzüüg Richtig Wettige bliibed uf de Landstroos, de Gegevercher Richtig Würelos/Autobahn wird über d Halbarte-, Tägerhard- und d Tägerhardächerstroos umgleitet.

Mit de Pförtneraalag wird bin Kenny’s wird zum eine de Bus priorisiirt, zum andere dörfe dann numme no so vil Auto uf Wettige inne, dass sich kei grossi Kolonne bilded, also öppe 850 pro Stund.

D Bauarbeite sötte bis Endi Johr abgschlosse si, wobi de Iibau vom Deckbelage früheschtens im Frühjohr 2017 cha erfolge.

Advertisements