Sit drü Johr isch d Wiibaugnosseschaft mit ihrem Wi bi de Vernissage im Museum Eduard Spörri derbi. D Künschtler entwerfed daderbi jewils en Etikette.

Im Rahme vo de Usstellig «Eduard Spörri trifft… Nora Dreissigacker: Vieni via con me.» het d Künschtlerin en Etikette für de bescht Wy vo de Wybaugnosseschaft entworfe. Bi de hütige Vernissage im Museum  Ediatd Spörri het d Nora Dreissigacker verzällt, dass si de Entwirf vo de Etiketze Monate im Vorus de Druckerei abgeh het. Wil d Künschtlerin z Genua läbt, het si de Uftrag ere italienische Druckerei geh, wo aber nöd würklech vorwärts gmached het. Um d Ettikette, wo de Wettiger Räbbärg zeiged, rechtzeitig uf Wettige z bringe, het si uf ere Autobahnraschtstätte z Mailand di frisch druckte Etikette müesse entgegenäh, um si a de Pfingschte uf Wettige zbringe. Hüt sind si dann im Museum präsentiirt worde und nöd numme de Präsident vo de Wybaugnosseschaft, de Roli Michel, sondern alli Bsuecherinne und Bsuecher hend Froid dra gha.