Am Sunntig chömmed wichitgi Vorlage vors Volk

Am Sunntig, 5. Juni chömmed füf eidgnössischi, drü kantonali und ei Wettiger Vorlag vors Volk. Für d Abgab vom Stimmcouvert bi de Poscht isch es z schpot, aber de Briefchaschte vom Rothuus nimmt d Abstimmigsunterlage gärn noch entgege und morn isch d Urne vom nüni bis um zähni offe.

Bim Bund gohts um d Verwendig vo de Mineralölstüüre, es bedingigsloses Grundiikomme, d Zulässigkeit vo de Präimplantationsdiagnostik, de Service Public und  d Änderig vom Asylgsetz. Uf kantonaler Ebeni gits e Initiative für e familieergänzendi Chinderbetroiig sammt Gegevorschlag und e Vorlag zum Wegfall vom Schtüüraateil  vo de Grundbuchabgab.

Aber au e kommunali Abstimmig gits und di isch no wichtig. Es goht um d Privatisiirig vom Elektrizitäts- und Wasserwerk (EW). De Iwohnnerrot het in sinere Sitzig vom 17. März 2016 zugschtumme, s EW in e Aktiegsellschaft umzwandle. Im Abstimmigsbüechli vo de Gmeind isch d Begründig detailliirt ufgführt, so dass jede sich e Meinig cha bilde und bi dem wichtige Entscheid cha a d Urne gah und Unterlage im Rothuus abgeh. Si isch am Sunntig vom nüni bis um zähni am Vormittag offe.

Advertisements