30er-Zone a de Bifangstroos

Zwüschem Eichwäg und de Halbartestroos isch uf de Bifangstross e 30er Zone iigrichtet worde. Di isch zwar numme provisorisch, wird aber bliibe.

img_1929A de Bifangstross hend Aawohner scho lang klaged, d Lüt däte z schnell fahre. D Gmeind het deshalb d Baustell vo de Pro Familia und de GGW am Langäcker zum Aalass gnoh, kurz nach em Rub bis zu de Halbartestroos e provisorischi 30er Zone izrichte. En endgültigi isch us rächtliche Gründ no nöd möglich, wil im gültige Verkehrsrichtplan vo 1999 d Bifangstross i dem Abschnitt als Teil vo de nördliche Oscht-Wescht-Achse über d Schartestroos usgwise isch.

Durch de noi Kommunale Gsamtplan Verkehr (KGV), wo am 1. September 2016 durch de Iiwohnerrot sell zur Kenntnis gnoh werde, ändered sich das, nöd z letscht au durch d Überbauige vo de GGW, de Pro Familia und em plande Alterszentrum vo de St. Bernhard AG. D Gmeind isch us dem Grund zuversichtlich, dass bim Abschluss vo de Bauarbeite vo GGW und Pro Familia di provisorisch 30er Zone nahtlos in e definitivi cha überführt werde.

Advertisements