RWW Trainingswoche of de Bernau

Nach em erfolgriche polysportive Lager vo de 5-11 jährige letschte Woche hed d Sandra Anderle för di ältere es paar Trainingstäg organisiert.
(rww) So trainiered die Woche 20 Juniore im Alter vo 12i bis 17ni onder de Leitig vom Marcus Ventar (Herren 1, Damen 1 ond U17 Trainer) ond em Cotrainer Bernd Wagner (U14 Mädchen).
Au s froschtige Wätter chan d Freud ond de Spass am Hockeyspele vo eusne Juniorinne ond Juniore ned bremse.
Sprintspieli, Taktiküebige ond Mätchle gehöred genauso zom Tagesablauf wie Theorie ond die persönliche Videoanalyse. S ged au e Laufschuelig, de Physiotherapeut chond verbii ond au en Vortrag öber gsondi ond uusgwogeni Ernährig ghört dezue. Met emene Schirikurs ond emende chline Hockeyturnier wo s glehrte grad omgsetzt werde chan ronded mer d Woche ab. För s super Ässe sorgt wie emmer d Barbara Wassmer.

Advertisements