(RWW) D’Fox 40 esch e ganz schön luuti Pfiffe. Höt am letschte Tag dörfed 12 Juniore anere Schiedsrichterusbildig teilneh. Au im Landhockey bruchts kompetenti Schiedsrichter. Nor so send Turnier ond färi Spiel möglich. Swiss Hockey onterstötzt euses Vorhabe ond schickt ois dä Schiedsrichterusbilder Tom Kool ond dä 100er Club vo eus rüschtet die neue Schiedsrichter grad no mit Piffe ond emene Charteset us.

Am Turniernamitag wird d Theorie grad id Praxis omgsetzt. Roti, Gelbi ond Grüeni Charte chönd für Reklamiere, Stockschläg ond technischi Foul iigsetzt werde. Klari Handzeiche ond luuti Pfiff bruchts dämit sich alli uf em Platz verstönd.

Nach enere abwächlixriche Woche cheered mir alli weder i euse Alltag zrogg. Mer danked allne Beteiligte för ere Iisatz und die Ziit wo sie i eusi Juniore investiered.

Wer nochli meh wett wösse esch herzlich iiglade of dä RWW-Homepage (www.rww.ch) cho ineluege ond au es Probetraining esch jederziit möglich. Chom doch au… mir freued eus of dich!

Am Sonntig am 11i speled eusi Herre 2 gege dä HC Wettinge es Lokalderby ond am 1 speled d Dame 1 gege Lausanne alles natörlich of dä Bernau.