Ab em Tsischtig esch d Passarelle Rosenau für drü Woche gschperrt

D Gmeind informiirt uf ihre Website und mit Infotafle am Wäg zu de Passarelle über d Sperrig vom 6. bis 23. Juni 2017. De Grund sind Unterhaltsarbeite.
IMG_20170520_170145D Passarelle a de Tägerhardstrass, wo in Verlängerig vom Rosenauwäg e Verbindig zum Charftwerk und zum Chloschterareal darstellt, esch im 1994 erstellt worde. Wil de Zahn vo de Ziit a de Brugg schaffed, muent periodisch Unterhaltsarbeite stattfinde. Bi de Stahlkonstruktion muess de Korrosionsschutz ernoiered werde und bi de Betonwiderlager esch d Entwässerig z verbessere und d Schutzblechdächer z ersetze. Zudem müend örtlich Belagsusbesserige vorgnoh werde. Deshalb esch d Passarelle vom 6. Juni ab de Sibni am Morge bis und mit 23. Juni um Sächsi am Abig gschperrt. D Umleitig vom Fuessvercher goht über d Unterführig vo de SBB in Verlängerig vo de Bahnhofstrass.

Advertisements