SP nominiirt de Markus Maibach als Kandidat fürs Amt vom Vizeammaa

​Mit de Bekanntgab vom Rücktritt vo de Antoinette Eckert als Gmeindrötin esch klar gsi, dass Wettige en noie Vizeammaa bruuchd. De Markus Maibach kandidiirt dafür.

Sit em 2014 esch de Markus Maibach Gmeindrot und het aafangs s Ressort Tiefbau, Vercher und Umwelt gleitet. Sit aafangs Jahr esch er für s Ressort Finanze und d Umsetzig vo de LOVA 2 zuständig.

Brueflich esch de Markus Maibach Gschäftsleitigsmitglid vomene Beratigsbüro für Vercher, Energie und Umwält. D SP froit sich, mit em Markus Maibach en beschtens geignete Kandidat fürs Amt vom Vizeamma chönne z präsentiire.

Advertisements