En Wettiger esch de noi Staatswii

​Sit de Ufhebig vo de Staatstrotte kürt de Kanton Aargau einisch im Johr sin Staatswii. Am Fritig, 9. Juni 2017 esch das zum zwölfte Mol eso gsi und Wettiger sind mit derbi gsi.

D Kürig vom  esch  «Aargauer Staatswii 2017» i dem Johr zum erschte Mol vom Markus Dieth, Aargauer Regiirigsrat us Wettige duregführt worde. In de viir Kategorie RislingxSylvaner, Wissi Spezialitäte, Pinot Noir und Roti Spezialitäte wird jewils en Sigerwii erkore. Bim Pinot Noir esch en Wettiger usgwählt worde und zwar d Wettiger Spitzenusläs Pinot Noir 2015 vo Meinrad Steimer Wiibau. Der Wii, wo us Truube mit em höchschte Riifegrad us alte Rebe mit em gringe Behang keltered wird, dörf jetzt unter em Label «Aargauer Staatswii 2017» verchauft werde. Usbaut wird de Wii teilwiis in bruuchte Barriquefässer. Er het Arome vo Himbeeri, Weichsle und Brombeeri und e rubinroti Farb.

Advertisements