I de nächschte Täg klettert d Thermometer uf dütlich über 30 ° Celsius. Für Meteo Schwiiz en Grund für e Hitzewarnig.

Di eine möged d Hitz besser verliide, di andere weniger. Aber für de Kreislauf isch grossi Hitz uf jede Fall e Belaschtig und ohni Klimaaalag isch au s Schaffe dütlich schwiriger. Zudem fehlt hüfig de erholsam Schlof, wenn es i de Nacht nöd richtig abküehlt.

Typischi Beschwerde, wo d Hitz cha uslöse, sind Schwindel, Kopfweh, Erschöpfig, Übelkeit und Erbräche. Bsunders für Chind, schwangeri Fraue und äleteri oder gebrechlichi Mönsche reagiired empfindlich uf d Hitz. Allne wird empfohle, d Ziit ab de Elfi dinne oder im Schatte z verbringe, vil z trinke und körperlich aasträngendi Sache früh am Morge oder spot am Abig z erledige.