Chaos-Theater «Oropax» chunnt uf Wettige

Wer mol öppis wirklich verruckts wot erläbe, der muess am Donnschtig ins Tägi. Dete isch «Oropax» mit ihre Show «Pool-Position»  z Gascht.
Es isch nöd s erschti Mol, dass de Volker und de Thomas Martins im Gartebad vom Tägi ufträte. Wer si scho uf de Bühni erläbt het, der kennt ihri Präsenz, ihre Humor, ja das Chaos, wo si mitunter uf de Bühni aarichted. Das wird au am 6. Juli 2017 nöd anderscht si, wenn di beide ihri Bühni uf en ufblasbari Insle verlege, wo zmits im Wasser schwimmt. D Vorstellig fangd um Halbinüni am Abig aa. Tickets gits hiir und de Trailer zur Show cha me uf YouTube aaluege.

Advertisements