S Badener Tagblatt brichted, dass 15 Asylbewerber ins «Metropol» uf Bade zügled. Über das het d Stadt am 3. Juli 2017 im Regionale Pflegezentrum en Infoabig für d Bewohner veraastaltet. Iiglade worde sind d Bewohner vom Badener Quartiers «Limmat rechts». Aber was isch mit de Wettiger gsi?
Numme zwei Hüser ewäg vom «Metropol» isch d Gränze zwüsche Wettige und Bade. Das sett eigentlich Grund gnueg si, dass di direkte Aawohner im Langesteiquartiir genau so guet und usfürlich informiirt werded, wi di uf de Badener Site. Denn allfällige Befürchtige oder Vorbehalt, wo me durch e sorgfältigi Information cha verringere, ended ja nöd a de Stadtgränze.
Mir hend verschidnigi Lüt im Langesteiquartiir aagfröged, ob si vorgeschter mit iiglade sind gsi oder uf anderi Art und Wiis über d Umnutzig vom «Metropol» informiirt worde sind. Bis jetzt hend alli, wo mir aagfröged hend, vo nüd gwüsst.
Us oisere Sicht wär das es Armuetszügnis vo de Stadt Bade!