Am Wochenänd isch s Wettiger Fäscht

Wer ums Rothuus umme, im Brühlpark und bi de BEZ unterwägs isch, der gseht di eidütige Aazeiche: Bald isch wider s Wettiger Fäscht. Es isch es Fäscht, eifach numme zum Fäschte!
D Füürwehr het ihres Chalet scho ufgschtelld, d Openair-Bühni stoht, di noi Bar vo de Handballer. Au anderi Beizli und Fahrgschäft sind scho ufbaud oder werde in de nächschte Täg ufbaud werde. Klar isch: Wettige isch parat für s disjährig Wettiger Fäscht!
Am Fritig, 7. Juli 2017 gohts mit em Seniorenamittag und em schnällschte Wettiger/de schnällschte Wettigeri los und um Sibni am Abe startet de Fäschtbetriib. Vo verschidnige Konzert über Oldtimer- und Harley-Fahrt bis hin zum ökumenische Gottesdienscht am Sonntig um Elfi gits «alles was das Herz begehrt».

Advertisements