De Aryan Anand isch Schwiizermeischter

Nach de Dame- und de Herremannschaft vo Rotwiis, wo vor einehalb Woche Schwiizermeischter worde sind, het Wettige sit em Wochenend en witere Schwiizermeischter. De Aryan Anand het d Schachmeischterschaft vo de U10 gunne.
Im November 2016 het s Badener Tagblatt de Aryan Anand porträtiirt und über ihn gschribe, er setzi alli «Schachmatt». Fascht eso isch es bi de Schachmeischterschafte vo de Juniore gsi, wo am letschte Wochenend z Soledurn stattgfunde het. I de Kategorii U10, wo de Virtklässler favorisiirt gsi isch, het er d Erwartige chönne erfülle. Numme gege de Zweitplaziirt, de Dorian Asllani vo Nyon het er Remis gspilt. Alli andere Spil het er gunne und isch zum Schluss uf 6 1/2 Pünkt cho. De Dorian Asllani, wo uf 6 Pünkt cho isch, het sich somit müesse gschlage geh.

Advertisements