Kurz ab de Ölfi het es hüt am Morge en luute Knall geh. Manchi hend en Explosion befürchtet, aber es esch en Überschallknall gsi.
E «Hot-Mission» vo de Schwiizer Luftwaffe het hüt am Vormittag zumene Überschallknall in de Region Züri gführt, wo me au z Wettige lut und dütlich ghört het. D Stadtpolizei Züri het d Ursach vo dem Knall uf Twitter bstätiged:

Uslöser isch nach Aagabe vom Badener Tagblatt en Business-Jet gsi, zu dem es bim Flug vo Graubünde het Richtig Basel/Frankriich kein Funkkontakt geh het. Wi in somene Fall üblich, wird en Jet dann vo Flugzüüg vo de Schwiizer Armee begleited. Konkret hend zwei F/A-18 vo de Schwiizer Luftwaffe, wo grad ufeme Üebigsflug sind gsi, durchgstarted un daderbi d Schallmuur durchbroche, was widerum zum Knall gführt het.
Di beide F/A-18 sind au drü Minute über Frankriich gfloge, bis de Funkverkehr zum Business-Jet wider isch hergstellt gsi.