Wi gohts mit de Wettiger Nochrichte nach de Wahle witer?

Am 24. September 2017 sind d Gmeindrats-Wahle z Wettige. Mir vo de Wettiger Nochrichte sind daderbi in ere bsundere Situation, wil zwei vo oiserne drü Redaktore für de Gmeindrat kandidiire. Gärn informiired mir oich über di verschidnigi Szenarie.
Bim Podium vo de glp am letschte Mittwoch isch d Frog scho einisch uftauchd: Vertrait sich es Gmeindratsmandat mit ere «journalistische» Tätigkeit? Mir meined NEI! Jedefalls nöd bi de Wettiger Nochrichte, wo es ja grad bsunders um d Gmeind Wettige goht.

Mir hend scho im Vorfäld im Redaktionsteam besproche gha, wi es nach de Wahle sell witergoh und wend oiserne Läserinne und Läser als erschtes mitteile, wi d Zuekunft wird usgseh:
De Fabian Schmid wird d Wettiger Nochrichte sicher witerführe, während de Markus Haas und de Lutz Fischer-Lamprecht us de Redaktion werde usscheide, falls si in de Gmeindrat gwählt werde. Das heisst uf de andere Site, dass – falls numme eine vo ois gwählt wird – de ander d Wettiger Nochrichte zämme mit em Fabi wird witerführe.

Advertisements