D St. Bernhard AG, wo s Alterszentrum St. Bernhard betriibd, wot im Langäcker es nois Alterszentrum baue. De Gmeindrot unterbreitet em Iiwohnerrat a de Sitzig vo Donnschtig, 16. November 2017 de Baurächtsvertrag zur Beschlussfassig.

Es isch scho zwei Johr her, dass s St. Bernhard de Siiger vom Projäktwettbewerb bekannt geh het und au s Ufstelle vo de Baugschpann ligd meh wi es Johr zruck. Danach isch lang «Funkstille» gsi, aber jetzt gohds fürschi. D St. Bernhard AG het in ere Mediemitteilig drüber informiiirt, dass s Vorprojäkt bewilliged isch und demnächscht d Bauiigab wird erfolge.
Au d Gmeind macht vorwärts. Nachdem de Iiwohnerrot scho am 12. November 2015 em St. Bernhard s Land im Langäcker in Ussicht gstellt het, selle jetzt «Nägel mit Köpf» gmachd werde. Sowohl de Baurächtsvertrag isch für di nächscht Iiwohnerrotssitzig traktandiirt, wi au d Teiländerig vo de Nutzigsplanig am jetzige Standort.

S St. Bernhard wird also im Langäcker es moderns und gastfründlichs Huus erstelle chönne, wo öppe 200 ältere Lüt es dihei wird biete. Mit 45 Wohnige mit Dienschtleischitge und 123 Einzelzimmer sell de Bewohnerinne und Bewohner das bote werde, was si bruuched.