De FC verliirt d «Schlammschlacht» gege Brunne

Hüt, Sunntig, 12. November 2017 het de FC im Alteburg de FC Brunne z Gascht gha. Leider hend d Wettige d Qualifikation für de Schwiizercup mit 4:6 verlore.
Obwohl de FC Brunne druckvoll gschtarted isch, het Wettige scho in de 7. Minute s 1:0 chönne erziile. So sind d Mannschafte au in d Pause gange. S het dann heftig aafange regne und zerscht au grauple. De Match isch meh und meh zuere Schlammschlacht worde. In de 54. Minute het Wettige durch en Penalty de Vorsprung uf 2:0 chönne usbau, aber scho in de 55. het Brunne de Aaschlusstreffer zum 2:1 gschosse und zwar ebefalls durch en Penalty. In de 68. Minute isch Brunne de Usgliich zum 2:2 glunge und wil in de reguläre Spiilziit keis witers Goal gfalle isch, hend di beide Mannschafte in d Verlängerig müesse.
Schnell isch klar gsi, dass Brunne de Match wot günne. Schnell isch s 2:3 gfalle und nald hets 3:4, dann 3:5 und in de 118. Minute 3:6 gheisse. S 4:6 in de Schlussminute isch numme no Ergebniskosmetik gsi.
De FC Wettige het sich mit dem Cup-Match in d Winterpause verabschiided und mir wünsched de Mannschaft gueti Erholig und froied ois uf d Rückrunde.

Advertisements