D SVP lehnt s Budget 2018 ab

Scho bi de Budgetsitzung vom Iiwohnerrat isch klar worde, dass d SVP s Budget 2018 und bsunders di damit verbundeni Erhöhig vom Stüürfuess ablehnt. In ere Mediemitteilig unterstricht d SVP das jetzt.

In ihre Mediemitteilig schriibd d SVP, dass di wigehend diskussionslosi Stüürfuesserhöchig im Iiwohnerrat für si befremdlich sig gsi, au wil im Vorfeld diversi Exekutivpolitiker und Partei e Stüürfuesserhöchig numme als letschti Option bezeichned hend gha. De SVP ihre Aatrag uf Rückwisig vom Budget het im Rat numme d Unterstützig vo einzelne Iiwohnerrät übercho. Weder Spar- noch Optimiirigswille gseht d SVP im Budget 2018 und empfiihlt de Stimmbürger deshalb en Ablehnig vom Budget.

Au de Orun Palit, GLP-Iiwohnerrat schriibt hüt imene Läserbrief im Badener Tagblatt, dass er s Budget ablehnt und hofft, dass d Bevölkerig das au machd.

D FDP, d CVP, SP/WettiGrüen und EVP/Forum 5430 hend s Budget im Iiwohnerrat aagnoh. Wi stönd ihr, liebi Läserinnen und Läser? Werded ihr de Voraaschlag 2018 aaneh?

Advertisements