Grossi Erlichterig au bi de Chilegmeind: D Margrit Schenkel isch in Sicherheit

Wil d Bonstetteri Sr. Margrit Schenkel sit Jahre vo de reformiirte Chilegmeind unterstützt worde isch, hend mir vo ihre Entführig im Sudan brichted. Hüt chönnd mir informiire, dass si wider frei isch.

Wi s 20 Minute hüt mitteild, isch d Sr. Margrit Schenkel wider frei. De Vizegouverneur vo Dafour-Nord, de Mohamed Barima het gegenüber de Nachrichteagentur Reuters mitteild, dass di sudanesische Behörde d Margrit Schenkel hend chönne befreie. De Barima het gsaid, d Sr. Margrit sig bi gueter Gesundheit und ineme Hauptquartiir vo de Sicherheitskräft.
Di reformiirt Chilegmeind Wettige-Noiehof zeigd sich erlichtered über di Nachricht. So het de Pfarrer Fischer-Lamprecht gegenüber der Wettiger Nochrichte sini Hoffnig güssered, dass d Schwester Margrit Schenkel bald wohlbehalte in d Schwiiz chönnd retour cho und – wi planed – z Bonstette ihre Ruhestand chönnd verbringe.

Advertisements