Bi de Sitzig vom Iiwohnerrat am Donnschtig, 16. November 2017 het de Iiwohnerrat wichtigi Entscheid zum Bau vomene noie Alterszentrum gfällt. Zudem isch d Abschaffig vo de Musikschuelkommission bschlosse worde. Au witeri Traktande sind behandled worde.

Nachdem de Iiwohnerrat scho vor zwei Johr de St. Bernhard AG s Land im Langäcker in Ussicht gstellt het, um dete es Alterszentrum z baue, het de Rat hüt Nägel mit Köpf gmachd. De vorliigend Baurächtsvertrag isch mit de Änderige, wo d Finanzkommission (Fiko) beaatrait het, einstimmig aagnoh worde. Au d Teiländerig vo de Nutzigsplanig St. Bernhard /Rebbergstrasse het de Iiwohnerrat eistimmig bschlosse. Aaschlüssend isch de Schlussbricht vo de Schuelruumplanig zur Kenntnis gnoh worde und bschlosse worde, d Musikschuelkommission ufzhebe. Au zwei Kreditabrechnige sind aagnoh worde, eini für d Ernoierig vo de Wasserversorgig und eini fürs Submissionsverfahre vo de Drüfachturnhalle im Margeläcker. Zudem isch e Motion vo EVP/Forum 5430 zu de Logik vo de Reglement übrwise und grad umgsetzt worde. Wi bim Gmeindrat würd im Fall vonere Tüürig au bi de Schuelpfläg d Entschädig aapassd werde.