Im Dezember isch jewils Fahrplanwächsel, so au i dem Jahr. Sit hüt gilt er.

Haltestell Albisstrass

D Uswirkige vom Fahrplanwächsel sind immer sehr unterschidlich. Mengisch isch en Pendler gar nöd betroffe, e Pendlerin muess e Minute früehner a de Haltestell si oder me muess e ganz noii Verbindig sueche.

Mir hend versuecht di wichtigschte Änderige zämmezstelle, aber ohni Garantii uf Vollständigkeit:

De 3er Bus zum Bahnhof bietet zusätzlichi Fahrte mit Aaschluss an d S19. De 8er fahrt ab de Albisstrass Richtig Bushof e Minute früehner. D Fahrt um 5.35 Uhr falld us. Au e Minute früehner started de 12er im Tägi. Zudem gits dete e zusätzlichi Fahrt um 5.32 Uhr.

Bim 1er, 4er, 7er und 8er gits zwischem Viiri und em Achti am Morge Aapassige bi de Abfahrtsziite.

Bi de S-Bahne uf Züri bliibed d Fahrziite bi de S6 bi xx.24 und xx.54 Uhr und bi de S12 bi xx.18 und xx.48 Uhr.

Mir empfehled uf jede Fall, d Verbindige, wo me wot bruuche, rechtzitig vorher z überprüefe.