Es isch teilwiis spiegelglatt!

De Schnee isch für vili e grossi Freud und geschter het me im Eigi, uf en Buessberg und anderstwo vili begeischteri Chind chönne gseh. Aber s Wetter het au e Kehrsiite, bsunders wenns taut, wi geschter und dann wider gfrürt.

Wer uf de Strass unterwägs isch, gliich ob z Fuess oder uf Räder, muess hüt Obacht geh. Mir hend grad de Wäg a de Limmig zwüschem Webermühlisteg und de Spinnerei teschtet und chönnd numme warne. Unter de Schneeschicht isch es teilwiis spiegelglatt und anders Fuessgänger sind au scho umgheit. Es wird wohl nöd de einzig Wäg si, wi schlüfferig isch.

Sind ihr au scho unterwägs gsi hüt am Morge und wend anderi warne? Dann schriibed ois…

Advertisements