Aafangs 2018 wird Wettige ohni devinitivs Budget dastah

Egal wi d Abstimmig über de Voraaschlag 2018 usgaht wird d Gmeind Aafangs Jahr keis devinitivs Budget ha, melded hüt d Schwiiz am Wochenänd. De Grund isch di hängig Stimmrechtsbeschwerde.
Morn, 26. November 2017 stimmed d Stimmbürgerinne und Stimmbürger vo Wettige über s Budget 2018 ab. Au wenn s Stimmvolk s Budget aanimmt, wird es ned definitv gnehmiged si. Dazu muess de Kanton z erscht über d Stimmrechtsbeschwerde entschide ha, wo no hängig isch. Das wird aber sicher nümm im 2017 passiire, schriibd d Schwiiz am Wochenänd und beruefd sich uf de Martin Süess, de Leiter vom Rächtsdienscht vo de Gmeindabteilig vom Kanton. Wi de Kanton entscheidet, so de Süess, het au mit em Abstimmigsresultat z due. Ishc das e klari Sach, wird me davo usgah, dass s «wi bisher» kei Uswirkige ufs Resultat gha het.
Bis de Entscheid vorligd, dörf d Gmeind numme di notwendige Usgabe tätige, also zum Bischpil d Löhn zahle. Usgabe für noii Möbel oder PCs dörf d Gmeind aber erscht vorneh, wenn s Budget 2018 devinitiv gültig isch.

Advertisements