De Michael Merkli kandidiirt au für de Gmeindrot

S Kandidatefäld für de Gmeindrot wächst witer. Mit em Michael Merkli sind es zu de viir bis füf bisherige und de scho nominiirte viir noie, jetzt öppe zeh Kandidate.

Es isch di dritt Kandidatur vom Michael Merkli für de Gmeindrot, wenn er am 24. September 2017 wird aaträte. Scho bi de Gsamternoierigswahle im 2013 esch er derbi gsi und bi de Ersatzwahl für de Sitz vom Markus Dieth Ändi 2016. S Badener Tagblatt merkt e chli süffisant aa, wi er daderbi ehnder wenig Stimme übercho hed. Damals isch er für d BDP aaträte. Nachdem er vor sinere BDP-Ziit scho bi de glp gsi isch, het er in de Zwischeziit di Freie Wähler Wettige (FWW), für di er au für de Iiwohnerrot wird kandidiiere.
Nebe de bisherige Gmeindrot Roland Kuster (CVP), Markus Maibach, Kirsten Ernst (beidi SP), Martin Egloff (FDP) und vorussichtlich em Philippe Rey (parteilos), kandidiiered ausser em Merkli au de Sandro Sozzi (CVP), de Lutz Fischer-Lamprecht (EVP), de Markus Haas (FDP) und de Dani Notter (SVP). Di beide letschtere wend daderbi d Sitz vo de Antoinette Eckert und em Daniel Huser verteidige, wo nümm zur Wahl aaträted.

Advertisements